ڌرتيءَ جو شهيد

ڌرتيءَ جو شهيد (ڪتاب): هيءُ ڪتاب سنڌ جي قومي ڪارڪن شهيد سميع الله ڪلهوڙي جي المناڪ شهادت ۽ شخصيت بابت مختلف ليکڪن، قومي اڳواڻن ۽ ڪارڪنن جي مضمونن ۽ تاثراتن تي مشتمل آهي. هن ڪتاب جو مرتب ميهڙ جو نوجوان ليکڪ ۽ صحافي انور ڪانڌڙو'>آزاد انور ڪانڌڙو آهي. ڪتاب ۾ ٽارچر سيل مان سميع الله جو پنهنجي ونيءَ کي لکيل آخري خط به ڏنل آهي. ڪتاب جو مهاڳ قومي دانشور عبدالواحد آريسر لکيو آهي. ان کانسواءِ ان ۾ ڪيترن قومي ڪارڪنن، صحافين جا مضمون، تاثر ۽ اخبارن جا ايڊيٽوريل وغيره شامل آهن. پڪي جلد سان، ڊيمي سائيز جي هن 320 صفحن جي ڪتاب کي 2005ع ۾ ميهڙ آواز پبليڪيشن پاران ڇپائي پڌرو ڪيو ويو. ڪتاب جي قميت 200 روپيا آهي.

ڪتاب - ڀاڱي جون ٻِيون داخلائون